Linux நிறுவல் வழிகாட்டி

லினக்ஸ் பயனர்களுக்கு ஒரு நற்செய்தி! முழுவதும் தானியங்கி (Automated) முறையில் தமிழ் நிரலை நிறுவலாம்.

Linux-க்கான தமிழ் நிரல்

பதிப்பு: 0.1 அளவு: ~3 MB .zip File

இப்போது பதிவிறக்க
1

ZIP ஃபைலை எக்ஸ்ட்ராக்ட் செய்யவும் (எங்கு வேண்டுமானாலும்)

தரவிறக்கம் செய்த TamilNiral_Linux_V-0.1.zip கோப்பை உங்களுக்கு விருப்பமான எந்த இடத்திலும் (உ-ம்: Downloads, Home, Documents) எக்ஸ்ட்ராக்ட் செய்துகொள்ளவும்.

டெவலப்பர் குறிப்பு: விண்டோஸ் போல நீங்கள் PATH தேடி அலைய வேண்டியதில்லை. எங்கு எக்ஸ்ட்ராக்ட் செய்தாலும் நமது இன்ஸ்டாலர் தானாகவே எல்லாவற்றையும் பார்த்துக்கொள்ளும்!

2

Magic Installer-ஐ இயக்குதல் (Automated Setup)

எக்ஸ்ட்ராக்ட் செய்த ஃபோல்டருக்குள் install.sh என்றொரு ஃபைல் இருக்கும். லினக்ஸ் பாதுகாப்பு காரணங்களுக்காக, இதை நேரடியாக இயக்க முடியாது. முதலில் இதற்கு அனுமதி (Execute Permission) கொடுத்து, இயங்கக்கூடிய ஃபைலாக மாற்ற வேண்டும்.

  1. அந்த ஃபோல்டரின் உள்ளே காலியான இடத்தில் Right-Click செய்து "Open in Terminal" என்பதைக் கிளிக் செய்யவும்.
  2. முதலில், அந்த ஃபைலை இயங்குவதற்கு அனுமதிக்க, கீழ்க்கண்ட கமாண்டை டைப் செய்து Enter தட்டவும்:
chmod +x install.sh
  1. இப்போது ஃபைல் தயாராகிவிட்டது! அதை ரன் செய்து இன்ஸ்டால் செய்ய, இந்தக் கமாண்டை இயக்கவும்:
./install.sh

குறிப்பு: இந்த ஒரு கமாண்ட், தமிழ் நிரலுக்குத் தேவையான அனைத்து பேக்கேஜ்களையும் மற்றும் PATH-ஐயும் தானாகவே செட் செய்துவிடும்!

3

சரியாக இன்ஸ்டால் ஆகிவிட்டதா? 🎉

எல்லாம் முடிந்ததும், டெர்மினலை மூடிவிட்டு புதிதாக ஒரு டெர்மினலைத் திறக்கவும் (Ctrl+Alt+T). கீழ்க்கண்ட கமாண்டை தட்டச்சு செய்யவும்:

தநி --பதிப்பு

எல்லாம் சரியாக நடந்திருந்தால், உங்களுக்கு இந்த வெளியீடு (Output) கிடைக்கும்:

┌────────────────────────────────────────┐ │ தமிழ் நிரல் │ └────────────────────────────────────────┘ "எளிய தமிழில், வலிய தொழில்நுட்பம்!" பதிப்பு : மு-பதிப்பு - 0.01 உருவாக்கம் : Kali Nuxus (காளி ஒருங்கிணைப்பு) தளம் : Linux முச்சங்கம் கண்டு அகிலம் ஆண்ட தாய்மொழி, இன்று நம் மௌனத்தால் மறையக்கூடாது! மொழியை இழந்தால் நம் முகவரியே அழிந்துவிடும்... விழித்தெழு! இனி தொழில்நுட்ப உலகையும் நம் தமிழால் ஆள்வோம்!
4

VS Code & எக்ஸ்டென்ஷன் நிறுவுதல்

லினக்ஸிலும் குறியீடு எழுத Visual Studio Code (VS Code) மிகச் சிறந்த மென்பொருளாகும். தமிழ் நிரலை அழகாக எழுத நமது எக்ஸ்டென்ஷனை இதனுடன் இணைக்க வேண்டும்.

பகுதி 1: VS Code-ஐ நிறுவுதல்

  1. உங்கள் லினக்ஸில் VS Code இல்லையென்றால், இந்த லிங்க்கை கிளிக் செய்து Linux-க்கான (.deb அல்லது .rpm) செட்டப் ஃபைலை டவுன்லோட் செய்து இன்ஸ்டால் செய்யவும்.
  2. இன்ஸ்டால் ஆன பிறகு, VS Code மென்பொருளைத் திறக்கவும்.

பகுதி 2: தமிழ் நிரல் எக்ஸ்டென்ஷனை (VSIX) இணைத்தல்

VS Code-ல் தமிழ் நிரலுக்கான கலர்கள் சரியாக வேலை செய்ய, கீழேயுள்ள ஃபைலை டவுன்லோட் செய்யவும்.

TamilNiral.vsix டவுன்லோட் செய்
  1. VS Code-ல் இடதுபுறம் உள்ள மெனுவில் Extensions (நான்கு கட்டங்கள் போட்ட ஐகான்) என்பதைக் கிளிக் செய்யவும்.
  2. மேலே உள்ள Search பாக்ஸுக்கு வலதுபுறம் மூன்று புள்ளிகள் (...) கொண்ட ஒரு பட்டன் இருக்கும். அதைக் கிளிக் செய்யவும்.
  3. வரும் மெனுவில் "Install from VSIX..." என்பதைத் தேர்ந்தெடுக்கவும்.
  4. இப்போது டவுன்லோட் செய்த TamilNiral.vsix ஃபைலைத் தேர்ந்தெடுத்து 'Install' கொடுக்கவும்.

சூப்பர்! இனி நீங்கள் உருவாக்கும் .நிரல் ஃபைல்கள் அட்டகாசமாக வேலை செய்யும்!

ஒரு முக்கிய குறிப்பு (Terminal Issue)

சில நேரங்களில் டெர்மினலில் வெளியீட்டைப் பார்க்கும்போது, தமிழ் எழுத்துக்கள் உடைந்தோ அல்லது ஒன்றோடு ஒன்று ஒட்டியோ (Rendering issues) தெரியலாம்.

தயவுசெய்து கவனிக்கவும்: இது தமிழ் நிரலின் பிழை அல்ல! டெர்மினல்களின் பழைய கட்டமைப்பு, தமிழ் எழுத்துருக்களை முழுமையாகச் சப்போர்ட் செய்யாததே இதற்குக் காரணம். விரைவில் இதற்கு சிறப்பான மாற்று வழியைக் கொண்டுவருவோம். 🙏

வாருங்கள், தமிழால் இணைவோம்!

தமிழ் என்பது வெறும் மொழி அல்ல, அது நம் அடையாளம். முச்சங்கம் கண்டு உலகை ஆண்ட நம் தாய்மொழி, இன்றைய தொழில்நுட்பப் பந்தயத்திலும் தடம் பதிக்க வேண்டும். "தமிழ் நிரல்" அதற்கான ஒரு சிறு விதை மட்டுமே!